Pyetjet më të shpeshta

Izolimi i leshit të gurit ROCKWOOL është një produkt natyral i prodhuar nga guri që e bën shtëpinë më efikase në energji dhe e mbron atë nga zjarri, lagështia dhe myku. Krahas kësaj, leshi i gurit është një material i qëndrueshëm, jetëgjatë, ekologjikisht i pranueshëm dhe dimensionalisht i qëndrueshëm me veti të shkëlqyera akustike. 

Leshi i gurit është një material izolues natyral ku guri është përbërësi kryesor me 98%. Procesi i prodhimit imiton aktivitetet natyrore të vullkaneve - ajri fryhet në rrymën e shkëmbinjve të shkrirë dhe formohen fijet e leshit të gurit. Duke shtuar një sasi të vogël lidhësi, formohet produkti përfundimtar. 

Leshi i gurit ROCKWOOL plotëson të gjitha kërkesat e shenjës Q të Direktivës Evropiane (KE) Nr. 1272/2008 - është prodhuar nga fije që nuk klasifikohen si të rrezikshme, është i biodegradueshëm dhe kur thithen, fijet shpërbëhen shumë shpejt dhe ekskretohen nga trupi. 

Duke qënë se është prodhuar nga guri, izolimi ROCKWOOL është i qëndrueshëm ndaj zjarrit. Mund t'u rezistoj temperaturave mbi 1000ᵒ C. Kjo është shumë më tepër nga sa mund të pritet nga izolimet e prodhuara nga materiale të tjera, gjë që e bën leshin e gurit zgjedhjen më të sigurt që ju mbron nga zjarri.

Izolimi i leshit të gurit ROCKWOOL nuk ndryshon formë me kalimin e kohës, nuk përkeqësohet apo përkulet. Është i përshkueshëm nga avulli dhe nuk favorizon formimin e lagështirës dhe mykut. Pasi të instalohet, nuk keni nevojë tëkujdeseni për të.

Izolimi ROCKWOOL është rezistent ndaj lagështirës ​​por i përshkueshëm nga avulli. Në rast se izolimi laget ose njomet, duhet të lihet të thahet natyrshëm. Kur thahet, izolimi është po aq efektiv sa edhe më përpara. Gjatë procesit të prodhimit, fijet trajtohen me një sasi të vogël vajrash minerale, gjë që e bën izolimin ROCKWOOL të papërshkueshëm nga uji. Kjo do të thotë që uji që bie në kontakt me sipërfaqen e jashtme të pllakës së leshit të gurit do të rrjedhë prej saj dhe nuk do të përthithet.

Produktet ROCKWOOL janë inorganike, që do të thotë se nuk janë burim ushqimi për insektet dhe brejtësit. Është një material natyral inert, rezistent ndaj kalbjes. Nuk krijon kushte zhvillimin e kërpudhave, mykut ose baktereve dhe është një material "i papërshtatshëm" për zhvillimin e insekteve ose organizmave të tjerë. Ato testohen për rezistencë ndaj mykut dhe kalojnë testin me zero rritje mykotike. 

Lidhësi i përdorur në prodhimin e leshit të gurit është rrëshirë e holluar fenol-formaldehid. Produktet e destinuara për përdorim në ambjente të brendshme (aplikimi indoor) kanë çertifikatën "M1 -Emissions Clasification of Building Materials" e cila garanton sigurinë e përdorimit të këtyre materialeve në ambjentet e shtëpisë. Gjatë prodhimit lidhësi ngurtësohet në temperatura shumë të larta duke lënë në produkt vetëm gjurmë pasi të jetë prodhuar. Kjo do të thotë që emetimet e formaldehidit janë të papërfidhshme. Një nga investimet në fabriken tonë në Istria në vitin 2021 ishte fillimi i prodhimit të të ashtuquajturit produktit NAF (Non-Added Formaldehyde), domethënë produkte që nuk përmbajnë Formaldehid. Për këto produkte kemi marrë çertifikatën prestigjioze evropiane INDOOR AIR COMFORT GOLD  nga Eurofins, e cila konfirmon se produktet plotësojnë standartet më të larta për instalim në ambjentet e brendshme të ndërtesave.

Izolimi ROCKWOOL është prodhuar nga leshi i gurit i padjegshëm rezistent ndaj zjarrit i cili mund t'u qëndroj temperaturave mbi 1000 ᵒC. Në këtë mënyrë ndihmon në kufizimin e përhapjes së zjarrit në ndërtesë. Me përmbajtje organike minimale, gjithashtu nuk prodhon sasi të konsiderueshme tymi helmues. Produktet tona izoluese kanë klasifikim Euroclass të reagimit A1 ose A2-s1,d0 ndaj zjarrit. Këto janë klasifikimet më të mira të performancës së zjarrit bazuar në disa karakteristika duke përfshirë: ndezshmërinë, përhapjen e flakës, çlirimin e nxehtësisë, prodhimin e tymit dhe prirjen për të formuar pika/grimca djegëse.

Po, gjatë kryerjes së izolimit termik të mureve të jashtme nga brenda, duhet të vendoset një barrierë avulli në anën më të ngrohtë (anën e brendshme).

Nëse papafingo është e pakalueshme atëhere rekomandimi pë izolim është Multirock, kurse nëse hapësira do të përdoret për depo atëhere rekomndohet që për izolim të përdoret produkti Energy Plus mbi të cilin vendosen pllakat për rishpërndarjen e ngarkesës (p.sh. pllakë OSM me trashësi 18 mm). 

Rekomandimi ynë është fasada e ajrosur për shkak të qëndrueshmërisë së saj dhe mundësisë së madhe të përzgjedhjes të veshjeve të jashtme. Mësoni më shumë në link.

Për fasadat e ndërtesave të banimit rekomandojmë produktin Frontrock Max Plus. Trashësia minimale e izolimit termik është e përcaktuar me ligj dhe varet nga vendndodhja e objektit ( zonë bregdetare apo e brendshme) dhe konstruksionit të murit të jashtëm , domethënë trashësia dhe lloji i materialeve të tjera ( lloji i tullave, betoni etj.) sepse edhe ato ndikojnë në karakteristikat termike të murit.

Izolimi termik mund të zvogëloj zhurmat nga fqinjët por duhen mbajtur parasysh shumë faktor prandaj zgjidhja dhe realizimi i punimeve duhet ti lihen në dorë profesionistëve.

Ju mund të modernizoni plotësisht fasadat ekzistuese por duhet t'i kushtoni vëmendje detajeve si fugat midis mureve dhe çatisë dhe hapjeve ( dritareve) në fasadë. Nëse vendosni për një ndërhyrje të tillë, mos ngurroni të kontaktoni ekspertin tonë: mbështetje teknike.